Saturday, January 06, 2018
January 06, 2018 at 10:14AM
#എകെജി #AKG രാഷ്ട്രീയകാര്യങ്ങളുടെ ബാലപാഠങ്ങൾ കേട്ടു പഠിച്ച നാൾമുതൽ മനസ്സിലുള്ള പേരായിരുന്നു എ. കെ. ജി. തിരിച്ചറിവുകളുടെ കാലമെത്തിയപ്പോൾ കൂടുതൽ കാര്യങ്ങൾ അറിയാൻ ശ്രമിച്ചതും അദ്ദേഹത്തെ പറ്റി മാത്രമായിരുന്നു. ചെറുപ്പകാലത്തൊക്കെ എ. കെ. ജി,യെ പറ്റിയുള്ള ചേരുവത്തൂർ ഭാഗങ്ങൾ നിറങ്ങാടിയിരുന്ന പൂരക്കളിയുടെ വരികൾ മറന്നെങ്കിലും അതിൽ ഉൾചേർത്തിരുന്ന വിവരണങ്ങൾ മനസ്സിലിന്നുമുണ്ട്. രാഷ്ട്രീയം എന്തിനു വേണ്ടി, എങ്ങനെ വേണം എന്നതിന്റെയൊക്കെ ഒരു നിർവ്വചനമായിരുന്നു ഞാൻ പിന്നീട് തെരഞ്ഞുപിടിച്ച എ കെ ജി. ഭാരതത്തിന്റെ ഒന്നാമത്തെ പ്രതിപക്ഷ നേതാവിയിട്ടുപോലും സാധാരണക്കാരിൽ സാധാരണക്കാരനായി നടന്നു നീങ്ങിയ എ കെ ജി ഹൃദയങ്ങണെ കീഴടക്കിയ മഹത്വരമായിരുന്നു. ഇ. എം. എസ്സിനെ എതിർക്കാൻ എനിക്കു കാരണങ്ങൾ പലതായിരുന്നു. എ കെ ജിയെ എതിർക്കാനായി ഒരു തരിപോലും എനിക്ക് തേടിപ്പിടിക്കാനായിരുന്നില്ല എന്നത് ഓർക്കുന്നു... ഞാൻ ജനിക്കുന്നതിന് ഒരു വർഷം മുമ്പ് നടന്നു നീങ്ങിയ ആ വ്യക്തിയെ കുറിച്ചായിട്ടു കൂടി ഒരു എം. എൽ. എ. വേണ്ടാതീനം പറഞ്ഞപ്പോൾ ചീഞ്ഞളിഞ്ഞ രാഷ്ട്രീയത്തിന്റെ പ്രതിരൂപമായി അയാൾ മാറി എന്നേ എനിക്കു നിനയ്ക്കാൻ പറ്റുന്നുള്ളൂ. പെരുവളിയിടുന്ന പശുവിന്റെ ഗ്യാസ്സിൽ കൂടി ഓക്സിജൻ ഉണ്ടെന്ന് അപലപിക്കുന്നതുപോലെ തരം താണ പ്രകടനം മാത്രമാണിത്. മയിലിന്റെ കണ്ണീരിൽ ശുക്ലം ദർശിക്കുന്ന ഏത് ദരിദ്രവാസിക്കും ഇതുപോലെ വിഡ്ഢിത്തങ്ങൾ എഴുന്നെള്ളിച്ച് വിവരദോഷികളായ ആൾക്കാരെ ഒന്നിച്ചു നിർത്താൻ പറ്റിയേക്കും. ഗതികേടാണിത് നേതാവേ!!
Subscribe to:
Post Comments (Atom)
No comments:
Post a Comment