Wednesday, November 21, 2018
2018-11-21T04:59:29.000Z
കാഞ്ഞങ്ങാട് SBI ലെ സുകന്യസമൃദ്ധി അകൗണ്ട്... .......... ........... ........... ............... . #കാഞ്ഞങ്ങാട് #SBI യിൽ നിന്നും ഇപ്പോൾ തെറി പാർസലായി കിട്ടി. ആത്മികയുടെ പേരിൽ ഒരു #സുകന്യസമൃദ്ധി അക്കൗണ്ട് പണ്ടു തുടങ്ങിയതാണു വിഷയം. ആമീസിന്റെ ഫോട്ടോ ചോദിച്ച് ഒരിക്കൽ ബാങ്കിൽ നിന്നും വിളിച്ചപ്പോൾ ഒരാഴ്ചയ്ക്കുള്ളിൽ തന്നെ അതുമായി ചെന്ന് ഞാൻ അകൗണ്ട് അപ്ഡേറ്റ് ചെയ്തിരുന്നു. ഒരു വർഷം കഴിഞ്ഞപ്പോൾ അവർ എന്റെ ഫോട്ടോ ചോദിച്ചു. അത്യാവശ്യമാണ് എന്നൊക്കെ പറഞ്ഞപ്പോൾ, കുറച്ച് കാശടച്ചതല്ലേ കളയാൻ പാടില്ലല്ലോ എന്നു കരുതി ഫോട്ടോയുമായി ബാംഗ്ലൂരിൽ നിന്നും കാഞ്ഞങ്ങാടേക്ക് ടിക്കറ്റ് ബുക്കി, അവരുടെ ഓഫീസിൽ കൊടുത്തിട്ടു വന്നു. ഒരു വർഷം കഴിഞ്ഞപ്പോൾ അവർ വീണ്ടും ഫോട്ടോ ചോദിച്ച് ബഹളമായി. വാട്സാപ്പ് വഴി അനിയത്തിക്ക് ഫോട്ടോ അയച്ചിട്ട് പ്രിന്റെടുത്ത് അതു കൊണ്ടുപോയി കൊടുക്കാൻ അവളെ ഏല്പിച്ചപ്പോൾ അവൾ തന്നെ അതുപ്രകാരം ചെയ്തു. കുറച്ചധികം ഫോട്ടോസ് വീട്ടിൽ തന്നെ വെച്ചു വന്നതിനാൽ പിന്നത്തെ തവണ, അമ്മ നേരിട്ട് പോയി സംഗതി കൊണ്ടുക്കൊടുത്തു, ഫയൽസ് അപ്ഡേറ്റ് ചെയ്തു വന്നു. കഴിഞ്ഞ ദിവസം നാട്ടിപ് വന്നപ്പോൾ കാഞ്ഞങ്ങാട് SBI യിൽ നിന്നും വിനീത് എന്നൊരാളുടെ ഫോൺ വന്നു. അന്നു ശനിയാഴ്ച ശശികല കാരണം ഹർത്താലായതിനാൽ കാഞ്ഞങ്ങാടേക്ക് എത്തിച്ചേരാൻ പറ്റിയില്ല. ഞായറാഴ്ച ഇവർ അടച്ചിടുകയും ചെയ്യും. ഞാൻ ഫോട്ടോയും ഇവിടെ പറഞ്ഞ കാര്യങ്ങളൊക്കെയും പച്ചമലയാളത്തിൽ എഴുതി ഒരു കത്തും വെച്ച് കവറിലാക്കി പ്രശാന്തിനെ ഏൽപ്പിച്ചു വന്നു. പ്രശാന്ത് (Prasanth) കവർ ഇതുവരെ കൊടുത്തിരുന്നില്ല. വിനീതിന്റെ കോൾ ഇപ്പോൾ വീണ്ടും വന്നു. ഞാൻ പറഞ്ഞു, "എന്ത് വൃത്തികെട്ട പണിയാ വിനീതേ നിങ്ങൾ കാണിക്കുന്നത്. എത്ര പ്രാവശ്യമാ ഫോട്ടോ വാങ്ങിക്കുന്നത്, ഒരു അകൗണ്ടുമായി ബന്ധപ്പെട്ട് ഫയൽ എങ്കിലും സൂക്ഷിക്കരുതോ" എന്ന്. ഇതിലെ #വൃത്തികെട്ട എന്ന വാക്ക് മൂപ്പർക്ക് ഇഷ്ടായില്ല. സാറാ സാറേ സാമ്പാറേ എന്നൊക്കെ വിളിച്ച് താണു കേണു പറയണമായിരുന്നു എന്നു തോന്നി! ഇവരെന്താ വല്ല മാര്യേജ് ബ്യൂറോയും സൈഡായി നടത്തുന്നുണ്ടോ, സൗമ്യനും സുമുഖനുമായ എന്റെ സൗന്ദര്യം കാണിച്ച ആളുകളെ ആകർഷിക്കാനായിട്ട്? കാഞ്ഞങ്ങാട് SBI പുതിയ ബിൽഡിങിലൊക്കെ മാറിയിട്ട് കുട്ടപ്പനായിട്ടുണ്ട്. വെള്ളിയാഴ്ച വൈകുന്നേരം ഞാനവിടെ പോവുകയും ചെയ്തിരുന്നു. ഒരു ഫോട്ടോ നിമിത്തം എനിക്ക് മുടക്കേണ്ടി വന്ന കാശിനിവർ ഉത്തരവാദികളാവില്ലല്ലോ! അകൗണ്ട് ബാംഗ്ലൂരിലേക്ക് മാറ്റാനുള്ള പണി നോക്കണം.
Subscribe to:
Post Comments (Atom)
ചില തെരഞ്ഞെടുത്ത ലേഖനങ്ങൾ
-
ഉണരൂ ഉണരൂ ഭാരത ഹൃദയമേ... ദുരിതം പടരും മുമ്പേ തടയൂ... ദൈവത്തിൽ സ്വന്തം നാടിൻ പൊന്നോമനമക്കൾ ഞങ്ങൾ പ്രളയത്തിൽ പൊലിയും മുമ്പേ ഉണരൂ... sa...
-
മതഭ്രാന്തനായ നാധുറാം വിനായക് ഗോഡ്സെ വധിച്ച മഹാത്മജിയുടെ ഓർമ്മദിനം! 1948 ജനുവരി 30-ന് വെള്ളിയാഴ്ച വൈകുന്നേരം 5.17 ന് ഡൽഹിയിലെ ബിർളാ മന്ദിരത്...
-
ശ്രീ അഭയ ഹസ്ത ഗണപതി ടെംബിൾ... ------------ ----------- ------------- -------- വിദ്യകൊണ്ടറിയേണ്ടതറിയാതെ വിദ്വാനെന്നു നടിക്കു... -
ഏപ്രിൽ മാസം ഫെയ്സ്ബുക്കിൽ... വളരെ കുറഞ്ഞു എന്നു തോന്നുന്നു... 2019-05-07T02:29:49.000Z
-
പ്രണയം കൊടുമ്പിരികൊണ്ട ഒരു വസന്തകാലം എല്ലാവർക്കും ഉണ്ടാവില്ലേ! കാലാകാലങ്ങളായി പ്രണയസാഹചര്യങ്ങൾ മാറുന്നുണ്ട്, പക്ഷേ പ്രണയം അതിജീവിക്കുന്ന... -
നീയടക്കമുള്ള പെൺ വർഗം മറ്റാരും കാണാത്തതു കാണും. നിങ്ങൾ ശപിച്ച് കൊണ്ട് കൊഞ്ചും. ചിരിച്ച് കൊണ്ടു കരയും. മോഹിച്ച് കൊണ്ട് വെറുക്കും........... -
സ്നേഹത്തിൽ നിന്നില്ലല്ലോ മറ്റൊന്നും ലഭിച്ചീടാൻ; സ്നേഹത്തിൻ ഫലം സ്നേഹം, ജ്ഞാനത്തിൻ ഫലം ജ്ഞാനം. സ്നേഹമേ പരം സൗഖ്യം, സ്നേഹഭംഗമേ ദുഖം, സ്നേഹം ...
-
കൊല്ലൂരിൽ
-
# കരിയർനെറ്റ് ടെക്നോളജീസ്. കമ്പനി തുടങ്ങിയിട്ട് ഇന്നേക്ക് 20 വർഷങ്ങൾ ആവുന്നു. ഇവിടെ ഞാൻ ജോയിൻ ചെയ്തിട്ട് 12 വർഷങ്ങളും ഒരുമാസവും ആയിട്ടുണ... -
അപരാഹ്നത്തിന്റെ അനന്തപദങ്ങളിൽ ആകാശനീലിമയിൽ അവൻ നടന്നകന്നു, ഭീമനും യുധിഷ്ഠിരനും ബീഡി വലിച്ചു... സീതയുടെ മാറ് പിളർന്ന് രക്തം കുടിച്ചൂ ദ...
No comments:
Post a Comment