Thursday, August 31, 2017

August 31, 2017 at 06:48AM

😌 1% കള്ളപ്പണക്കാരുണ്ടിവിടെ! മക്കളെ കാണിക്കാനായി നോട്ടുകൾ മാറ്റിവെച്ചവരൊക്കെയും കള്ളന്മാർ തന്നെയാ! 99% ഊമ്പിച്ചതല്ലാട്ടാ!!

Wednesday, August 30, 2017

August 30, 2017 at 06:09AM

😏 കൂടുതൽ ഫീസു നൽകി പഠിച്ചവർ നാളെ ഗവണ്മെന്റ് പണിയിൽ നിന്നും ചെറിയ തോതിൽ കൈക്കൂലി വാങ്ങിച്ചാൽ പ്രശ്നമുണ്ടോ സാറുമ്മാരേ?

Monday, August 28, 2017

August 28, 2017 at 07:20PM

സാറേ സാറേ... എന്റെ പൊന്നു R B I സാറേ ഇനി കുറച്ചു 9ന്റെയും 99ന്റെയും നോട്ടുകൾ ഇറക്കാമോ... മുട്ടായി തിന്നു തിന്നു മതിയായി...

August 28, 2017 at 10:44AM

വീട്ടിൽ അമ്മയ്ക്കൊരു മൊബൈൽ കോൾ വന്നു. നമ്പർ ഇതാണ് 7095226251. സംഗതി ഇത്രേ ഉള്ളൂ: “നിങ്ങൾക്ക് 5 ഗ്രാം സ്വർണ്ണം ഒരു നറുക്കെടുപ്പിലൂടെ ലഭിച്ചിട്ടുണ്ട്. കൃത്യമായ അഡ്രസ്സ് പറയണം. ഞങ്ങളുടെ ഒരു പ്രതിനിധി ആ അഡ്രസ്സിലേക്ക് വന്നിട്ട് സ്വർണം തരും. നിങ്ങൾ അയാൾ 1000 രൂപ കൊടുക്കേണ്ടതുണ്ട്. സ്വർണം ലഭിച്ചു കഴിഞ്ഞാൽ മാത്രം കൊടുത്താൽ മതി. ആദ്യമായി കൃത്യമായ അഡ്രസ്സ് ഒന്നു തരണം“ അമ്മ പറഞ്ഞു എന്റെ മൊബൈൽ നമ്പർ നറുക്കിടാനായിട്ട് ആർക്കും കൊടുത്തില്ലല്ലോ, ഒന്നു മോനോട് ചോദിച്ചിട്ട് അഡ്രസ്സും മറ്റു ഡീറ്റൈൽസും തരാം എന്ന്. സ്വർണം തന്നാൽ 1000 രൂപ തരുന്നതിൽ കുഴപ്പമൊന്നുമില്ല എന്ന്! ഉടനേ തന്നെ മാനേജർ വിളിക്കും എന്നു പറഞ്ഞ് ആ പെണ്ണ് ഫോൺ കട്ടു ചെയ്തത്രേ!! ഇനി മാനേജറും മണ്ണാങ്കട്ടയുമൊന്നും വിളിക്കാൻ പോകുന്നില്ല... 1000 രൂപ മോഡീച്ചൻ നിരോധിച്ചത്, വിളിച്ച മൂപ്പത്തി അറിഞ്ഞിരിക്കില്ല, റൗണ്ട് ചെയ്ത് 500 ലേക്ക് ഇറങ്ങുകയോ അല്പം കൂട്ടി ഡബിളാക്കി 2000 ലേക്ക് ഉയരുകയോ ചെയ്യാമായിരുന്നു. അമ്മ എന്നെ വിളിച്ചിട്ട് നമ്പർ തന്നു, അന്വേഷിക്കാൻ പറഞ്ഞു!! ഞാനെവിടെ പോയി അന്വേഷിക്കാനാണ്? ഓൺലൈൻ വഴി ചെക്ക് ചെയ്തപ്പോൾ 7095226251 എന്ന നമ്പർ ആന്ധ്രാപ്രദേശിൽ നിന്നാണെന്നു കാണിക്കുന്നു!! ആന്ധ്രാപ്രദേശുകാരിക്ക് ഒരു കാസർഗോഡൻ നമ്പർ എങ്ങനെ കിട്ടിയോ എന്തോ??!! അമ്മയോടു പറഞ്ഞു, വർഷങ്ങൾക്ക് മുമ്പുതന്നെ വിദേശിത്തു നിന്നും ഇതേ വകുപ്പിൽ മെസേജുകളും മെയിലുകളും വരാറുണ്ട്... ഒന്നുകിൽ മെയിൽ ഐഡി അല്ലെങ്കിൽ മൊബൈൽ നമ്പർ നറുക്കിട്ടെടുത്താൽ അന്നേരമൊക്കെ വിജയി ആവുന്നത് ഞാൻ തന്നെയാണ്... അമ്പതിലധികം കോടികളാണു വിദേശപണമായി കിട്ടാൻ പോകുന്നത്... പക്ഷേ, ആ പണമൊക്കെ സൂക്ഷിക്കാനുള്ള സ്ഥലം നമുക്കില്ലാത്തതിനാൻ ഒഴിവാക്കാറാണു പതിവ് എന്ന്... വേണമെങ്കിൽ ഓണത്തിനു വരുമ്പോൾ ഇതേ മെയിൽ കാണിച്ച് തട്ടിപ്പു പറയുന്നതല്ല എന്നു കാണിച്ചു തരാമെന്ന്!! 1000 രൂപയുടെ ജാഗ്രത കേരളത്തിലും വേണ്ടതുണ്ട് എന്നൊരു ഓർമ്മപ്പെടുത്തലായി ഇതിനെ കാണണം...

Sunday, August 27, 2017

August 27, 2017 at 10:35PM

🤔🤔 ശരിക്കും ഈ കട്ടപ്പ എന്തിനാ ബാഹുബലിയെ കൊന്നത്??

Thursday, August 24, 2017

August 24, 2017 at 09:00AM

ഇതല്പം പഴയതാട്ടാ... ഇവിടെ ബാഗ്ലൂരിൽ എത്തിയിട്ട് രണ്ടോ മൂന്നോ വർഷങ്ങൾ കഴിഞ്ഞ ശേഷം ഉള്ളൊരു അനുഭവക്കുറിപ്പ്... ഇപ്പം ഇതിനെ പറ്റിയൊന്നും ചോദിച്ചാൻ ഞാനൊരക്ഷരം മിണ്ടൂല!! 🙊 ....... ...... ........ ........ ........ ......... ഞങ്ങള്‍ മെല്ലെ അവിടെനിന്നും വലിഞ്ഞു. ബാംഗ്ലൂരില്‍ വന്നിട്ട് ഇത്രയൊക്കെയായിട്ടും മനസ്സിനിണങ്ങിയ ഒരു മലയാളിക്കുട്ടിയേയും കണ്ടുകിട്ടാത്തതിലുള്ള വിഷമത്തിലായിരുന്നു ഞാന്‍. അല്പകാലമൊന്നു പ്രേമിക്കണം, പിന്നെ സഖിയായി കൂടെക്കൂട്ടണം. രണ്ടുപേര്‍ക്കും ജോലി കൂടിയുണ്ടെങ്കില്‍ ഇവിടെ കഴിഞ്ഞുകൂടാന്‍ പരമസുഖമാണ്. ഇത്തരം നല്ല ചിന്തകളേയുണ്ടായിരുന്നുള്ളൂ മനസ്സില്‍. അപ്പോഴാണ് മലയാളിചന്തങ്ങളുടെ ഈ അരങ്ങേറ്റം. ഒരുകുട്ടിയെ അതില്‍ നിന്നും നോക്കിവെച്ചു. നല്ല ഗ്രാമീണത തോന്നിക്കുന്ന ഒരു കുട്ടി. വെളുവെളാന്നു വെളുത്ത ചുരിദാറും ഇട്ടവള്‍ പാറി നടക്കുന്നതു കാണാന്‍ തന്നെയൊരു ഐശ്വര്യമായിരുന്നു. ഇരുട്ടുള്ള ആ ഇടനാഴികളിലെ വെളിച്ചമായിരുന്നു അവള്‍. പേരു ചോദിച്ചു; നാടുചോദിച്ചു. പിരിയാന്‍ നേരമാവുമ്പോള്‍ മൊബൈല്‍ നമ്പര്‍ വാങ്ങിക്കുകയുമാവാം എന്നു കരുതി. അത്യാവശ്യമൊന്നു പഠിച്ചതിനുശേഷം, ആരും പറഞ്ഞുവെച്ചിട്ടില്ലെങ്കില്‍ ഇഷ്ടം അങ്ങോട്ടു തുറന്നുപറയാം. മലര്‍പ്പൊടിക്കാരന്റെ സ്വപ്നം പോലെ ഞാന്‍ മനക്കോട്ടകളുടെ ചിറകിലേന്തി പറന്നു നടന്നു. ....... ...... ........ ........ ........ ......... വിശദമായി വായിക്കാം... http://ift.tt/2g6d74A

Wednesday, August 23, 2017

August 23, 2017 at 04:54PM

നല്ല ഭർത്താവദ്ദേഹമാവാനിതാ പത്തു കല്പനകൾ. 😎 ശ്രദ്ധയോടെ വായിക്കുക; ആവശ്യമെന്നു തോന്നിയാൽ ചെറിയ മാറ്റങ്ങൾ വരുത്തി അനുവർത്തിക്കുക. അല്പം സ്ത്രീവിരുദ്ധതയൊക്കെ അടിച്ച് കേറ്റീട്ടുണ്ട്. പണ്ട് ഐൻസ്റ്റീൻ IIT ക്ക് പഠിക്കാനായി എഴുതിവെച്ച കാര്യങ്ങൾ ഞാൻ കട്ടെടുത്തു എന്നേള്ളൂ. തെറ്റാന്നും പറഞ്ഞ് എന്റെ നെഞ്ചിൽ കേറാൻ വന്നേക്കരുത് 😭 1. ഭാര്യയെ 'എടി', 'നീ' എന്നൊക്കെ വിളിക്കുന്നതിനു പകരം 'കുട്ടാ, കുട്ടാ'എന്ന് മാത്രമേ വിളിക്കാവൂ. കൂട്ടാ എന്ന വിളിക്ക് പകരം പ്രാദേശികമായി കൂടുതല്‍ ഉചിതമായ വിളിയുടെ രൂപഭേദങ്ങളും സ്വീകരിക്കാം. 🐒 2. രാവിലെ എഴുന്നേറ്റു പല്ലു പോലും തേയ്ക്കാതെ ഇഡലിയും ചമ്മന്തിയും അടിച്ചുകേറ്റുമ്പോള്‍ 'കുട്ടാ എന്നെ വിളിക്കാതിരുന്നതെന്താ, ചട്ടിനിയ്ക്ക് തേങ്ങ ഞാന്‍ ചിരവി തരുമായിരുന്നല്ലോ' എന്ന് പറയുക. നിങ്ങള്‍ യഥാര്‍ത്ഥത്തില്‍ തേങ്ങ ചിരവിക്കൊടുക്കേണ്ട യാതൊരു ആവശ്യവുമില്ല. പൊട്ടിയായ ഭാര്യ ഈ കമെന്റു കൊണ്ടു തന്നെ തൃപ്തയായിക്കൊള്ളും. 🙈 3. പത്രം വായിക്കുമ്പോള്‍, മുഴുവനും പേജും ഇറുക്കിപ്പിടിചോണ്ടിരിക്കാതെ ആ മരിച്ചവരുടേയും മറ്റും പേരും പരസ്യവും ഉള്ള പേജെങ്കിലും ഭാര്യയ്ക്ക് കൊടുത്തേക്കുക. രണ്ടു മിനിട്ട് കൊണ്ട് വായന കഴിഞ്ഞു തിരിച്ചു കിട്ടും. ഇല്ലെങ്കില്‍, 'ഈ വീട്ടില്‍എനിക്ക് പത്രം പോലും വായിക്കാന്‍ കിട്ടുന്നില്ല' എന്ന് തുടങ്ങുന്ന ഒരുരണ്ടു മണിക്കൂര്‍ വഴക്ക് പ്രതീക്ഷിക്കാം. 🐮 4. സത്യസന്ധതയ്ക്ക് ദാമ്പത്യ ജീവിതത്തില്‍ വലിയ പ്രാധാന്യമില്ല. ഭാര്യ ഗൂഗിൾ നോക്കിയുണ്ടാക്കിയ കാശ്മീരി ചില്ലി കൊപ്പെന്‍ ചിക്കെന്‍ വായിൽ വെക്കാന്‍ പോലും കൊള്ളില്ലെങ്കിലും ആ കാര്യം മിണ്ടിപ്പോകരുത്‌. നിങ്ങൾക്ക് തീരെ കഴിക്കാന്‍ സാധിക്കുന്നില്ലെങ്കില്‍ 'ഇത് ഞാന്‍ പൊതിഞ്ഞു ഓഫിസില്‍കൊണ്ടു പോകാം, സുഹൃത്തുക്കള്‍ക്കും നല്കാമല്ലോ' എന്ന് പറയുക. ഓഫിസിലേക്കുള്ള വഴിയില്‍ ഇത് ഭാര്യയറിയാതെ വെയ്സ്റ്റ് ബോക്സിൽ കളയാം. അതല്ല, ഇനി നിങ്ങൾക്ക് ഇഷ്ടമില്ലാത്ത ആരെങ്കിലും ഉണ്ടെങ്കിൽ ഇതെന്റെ ഭാര്യയുണ്ടാക്കിയ കാശ്മീരിചില്ലി കൊപ്പെന്‍ ചിക്കെന്‍ ആണെന്ന് പറഞ്ഞു അവര്‍ക്ക് കൊടുത്തേക്കുക. ഭാര്യയേയും പ്രീതിപ്പെടുതാം, മറ്റയൾക്കുള്ള നല്ല സുന്ദരൻ പ്രതികാരവുമാവും. 🙊 5. ഭാര്യ തടിച്ചു വീപ്പക്കുറ്റി പോലെയായിരിക്കുന്നതെങ്കിലും, 'കുട്ടാ നീ വല്ലാതെ മെലിഞ്ഞു പോയി; എത്ര നല്ല സ്ലിം ബ്യൂട്ടിയാ നീ' എന്നിടയ്ക്കിടെ പറയുക. താന്‍ കെട്ടിയവനെക്കാളും തടിച്ചുവെന്ന തോന്നലുള്ള ഭാര്യമാര്‍ കൂടുതല്‍ കുടുംബവഴക്കുകള്‍ ഉണ്ടാക്കുന്നവരാനെന്നു തെളിഞ്ഞിട്ടുണ്ട്. 😈 6. നിങ്ങള്‍ പരീക്ഷയ്ക്ക് പഠിക്കുന്ന കൊൺസെന്റ്രേഷനില്‍ കമ്പ്യൂട്ടറിനു മുന്നിൽ ഇരിക്കുമ്പോൾ അവള്‍ ഓഫിസിലെ കണ-കുണ കാര്യങ്ങള്‍ പറയുകയാണെങ്കില്‍ 'നീ ഒന്ന്ചിലയ്ക്കാതിരിക്കാമോ' എന്നാവരുത് നിങ്ങളുടെ പ്രതികരണം. പറയുന്നകാര്യങ്ങള്‍ക്ക് നിങ്ങള്‍ മറുപടി പറയണംന്ന് ഭാര്യയ്ക്ക് ഒരുനിര്‍ബന്ധവുമില്ലെന്നു മനസിലാക്കുക. ഇടയ്ക്കിടയ്ക്ക് മൂളി കൊടുത്താല്‍ ധാരാളം മതിയാവും. ഇനി അതും നിങ്ങളുടെ ശ്രദ്ധ കളയുമെന്നുണ്ടെങ്കില്‍ ഇടവിട്ടുള്ള മൂളലുകള്‍ റെക്കോർഡ് ചെയ്ത് ഭാര്യ സംസാരിക്കാന്‍ തുടങ്ങുമ്പോള്‍ vlc-യിൽ വെച്ചേക്കുക. മീഡിയ വർക്കുന്ന കാര്യം ഭാര്യ അറിയാന്‍ പാടില്ലെന്ന് പ്രത്യേകം പറയേണ്ടല്ലോ. 🤡 7. ഒരുമിച്ചിരുന്നു ടി വി കാണുമ്പോള്‍, വല്ലപ്പോഴും ആ ടി വി റിമോട്ട് പിടിക്കാന്‍ ഭാര്യയെ അനുവദിക്കുക. സ്ത്രീ പുരുഷ സമത്വത്തിന്റെ പ്രതീകമായിട്ടാണ് മിക്ക ഭാര്യമാരും ടി വി റിമോട്ടിനെ കാണുന്നത്. അതുകൊണ്ട് ഇത് വളരെ പ്രാധാന്യമര്‍ഹിക്കുന്നു. പിടിക്കാന്‍ മാത്രം അനുവദിച്ചാല്‍ മതി. ചാനല്‍ മാറ്റുന്നത് നിങ്ങൾക്ക് തന്നെയാവാം. 🤠 8. വല്ലപ്പോഴും ഭാര്യയോടൊപ്പം ഒരു സില്ലി റൊമാന്റിക് സിനിമാ തീയറ്ററിൽ പോയി കാണുക. ഇത് നിങ്ങൾക്ക് വളരെ പ്രയാസമുള്ള കാര്യമാണെങ്കിലും കുടുംബഭദ്രതയ്ക്ക് ഇതാവശ്യമാണ്. വല്ലാതെ ബോറടിക്കുന്നുണ്ടെങ്കില്‍ ചെറുതായി മയങ്ങാവുന്നതാണ്. ഇടവേളയ്ക്കു പോപ്‌ കോണ്‍, പഫ്സ്, കുടിക്കാൻ ജ്യൂസോ പച്ചവെള്ളമോ ഒക്കെ വാങ്ങുന്നതും ഭാര്യയുടെ മനസ്സില്‍ നിങ്ങളുടെ ഇമേജു വര്‍ദ്ധിപ്പിക്കും. 😏 9. ഭാര്യയുടെ സുഹൃത്തുക്കള്‍ വീട്ടില്‍ വരുമ്പോള്‍, കുശുമ്പികള്‍ 'എന്റെ ഭര്‍ത്താവോ നിന്റെ ഭര്‍ത്താവോ മെച്ചം' എന്ന് അളക്കാന്‍ വരുന്നതാണെന്ന് മനസിലാക്കി ബുദ്ധിപൂര്‍വ്വം പ്രവര്‍ത്തിക്കുക. 'ഈ കുട്ടനില്ലെങ്കില്‍ എന്റെ ജീവിതം തന്നെ കൊഞ്ഞാട്ടയായിപ്പോയേനെ' എന്ന ലൈനില്‍ ഭാര്യാശ്രീയെ അങ്ങ് പൊക്കിപ്പിടിച്ച് കത്തി വയ്ക്കുക. കൂട്ടത്തില്‍ നല്ല സുന്ദരികള്‍ ഉണ്ടെങ്കില്‍ അവരെ അവഗണിച്ചു വിരൂപകളോട് മാത്രം സംസാരിക്കുക. ഓര്‍ക്കുക, നൈമിഷിക സുഖമല്ല ജീവിതകാലം മൊത്തമുള്ള സമാധാനമാണ് നിങ്ങളുടെ ലക്‌ഷ്യം. 😎 10. ഇടയ്ക്കിടയ്ക്ക്, 'കുട്ടാ സഹായിക്കണോ, കുട്ടാ സഹായിക്കണോ' എന്ന് അങ്ങോട്ട്‌ ചോദിച്ചേക്കുക . നിങ്ങളുടെ സ്നേഹത്തില്‍ പുളകം കൊണ്ട് ഭാര്യ എല്ലാ പണികളും പൂര്‍വാധികം ഉത്സാഹത്തോടെ തന്നെ ചെയ്തോളും. ഓര്‍ക്കുക, സ്ത്രീകളുടെ സൈകോളജി പ്രകാരം പ്രവര്‍ത്തിയല്ല, വാചകമാണ് കുടുംബഭദ്രതയ്ക്ക് ആവശ്യം. 😤

Tuesday, August 22, 2017

August 22, 2017 at 11:12AM

പെണ്ണുകാണൽ ചടങ്ങിൽ ആദ്യമായി ഞാൻ അവളെ കാണുമ്പോൾ സൗന്ദര്യമുള്ള വെറും ഒരു പെണ്ണ് മാത്രാമായിരുന്നു എനിക്ക് അവൾ... ഇഷ്ടപ്പെട്ട് വിവാഹത്തിന് മുൻപുള്ള നാളുകളിൽ ഫോൺ വിളിയിലൂടെ അവൾ എന്റെ കാമുകിയായി... വിവാഹം കഴിഞ്ഞതോടെ അവൾ നല്ലൊരു ഭാര്യയായി.... സങ്കടം വരുമ്പോൾ അടുത്ത് വന്ന് ആശ്വാസിപ്പിക്കുന്ന അവൾ എന്റെ ഏറ്റവും നല്ല സുഹൃത്തായി..... എന്നെ കുറ്റപ്പെടുത്തുന്ന മറ്റുള്ളവർക്ക് മുൻപിൽ എനിക്ക് വേണ്ടി വാദിച്ച് അവൾ എന്റെ വക്കീലായി... പനി പിടിച്ചു വയ്യാണ്ട് കിടക്കുന്ന എന്നെ പരിചരിച്ച നോക്കുന്ന അവൾ എന്റെ ഡോക്ടർ ആയി... വിശന്ന് വരുമ്പോൾ ഇഷ്ടപ്പെട്ടതൊക്കെ ഉണ്ടാക്കി തരുന്ന അവൾ എന്റെ പാചകക്കാരിയായി... സ്നേഹവും വാത്സല്യവും കാട്ടി അവൾ എന്റെ അമ്മ ആയി... തെറ്റ് ചെയ്യുമ്പോൾ എന്നെ ശകാരിച്ചു അവൾ എന്റെ അച്ഛൻ ആയി... നേർവഴി മാത്രം കാട്ടി തന്ന് അവൾ എന്റെ വഴികാട്ടിയായി.... ഇടക്കൊക്കെ കുറുമ്പ് കാട്ടി അവൾ എന്റെ മകളായി... മടിപിടിച്ചു ഉറങ്ങുന്ന എന്നെ ചുംബനത്തിലൂടെ ഉണർത്തി അവൾ എല്ലാ ദിവസങ്ങളിലേയും കണിയായി.... ഇടവപ്പാതിയിലെ പെരുമഴയിൽ എന്റെ മാറോട് ചേർന്ന് എന്നെ പൊതിഞ്ഞു ഉറങ്ങുന്ന അവൾ എന്റെ പുതപ്പായി... മാതൃത്വം നെഞ്ചിലേറ്റി എനിക്കൊരു കുഞ്ഞിനെ സമ്മാനിച്ചപ്പോൾ അവൾ ഒരു മാതാവ് ആയി... കൊതി തീരാതെ എന്റെ വാക്കുകൾക്ക് വേണ്ടി കാതോർത്തിരിക്കുന്ന അവൾ എന്റെ ആരാധിക ആയി... ശത്രുവിനെ പോലും സ്നേഹത്തിലൂടെ കീഴ്പ്പെടുത്തണം എന്ന് പഠിപ്പിച്ച അവൾ എന്റെ അധ്യാപികയായി... ഒരു ജന്മം മുഴുവൻ എനിക്ക് വേണ്ടി ജീവിക്കുന്ന അവൾ എന്റെ എല്ലാമായി... വാട്സാപ്പിൽ കിട്ടിയതാട്ടാ... ;)

Sunday, August 20, 2017

August 20, 2017 at 11:06AM

മഞ്ജുവിനെ പരിചയപ്പെട്ടിട്ട് ആറുകൊല്ലങ്ങളായി!! 🐶🐶🐶

Friday, August 18, 2017

August 18, 2017 at 09:06AM

ഒന്നാനാം കൊച്ചുതുമ്പി, എന്റെ കൂടെ പോരുമോനീ?? നിന്റെ കൂടെ പോന്നാലോ, എന്തെല്ലാം തരുമെനിക്ക് ?? കളിപ്പാനോ കളംതരുവേൻ, കുളിപ്പാനോ കുളംതരുവേൻ. ഇട്ടിരിക്കാൻ പൊൻതടുക്ക്‌, ഇട്ടുണ്ണാൻ പൊൻതളിക, കൈ കഴുകാൻ വെള്ളിക്കിണ്ടി, കൈതോർത്താൻ പുള്ളിപ്പട്ട്‌... ഒന്നാനാം കൊച്ചുതുമ്പി, എന്റെ കൂടെ പോരുമോ നീ?

August 18, 2017 at 12:35AM

#ആത്മഹത്യാമുനമ്പ് അയല്പക്കത്തായൊരു തമിഴുകുടുംബം താമസിക്കുന്നുണ്ട്. ഭര്യയും ഭർത്താവും എന്നും വഴക്കും വക്കാണവുമാണ്. രണ്ടു വയസ്സു പ്രായമുള്ളൊരു ഒരു കുഞ്ഞു സുന്ദരി ഇവർക്കിടയിലൂടെ ഓടിക്കളിച്ചുല്ലസിക്കുന്നുണ്ട് എന്നതാണേക ആശ്വാസം. മിക്കപ്പോഴും ഈ കുഞ്ഞ് വീട്ടിലാണുണ്ടാവുക, ആമി വിളിക്കുന്നത് കേട്ടിട്ട് അവളും എന്നെ അച്ഛാ എന്നാണു വിളിക്കാറുള്ളതും. എന്റെ മടിയിലിരുന്ന് ലാളന മനസാവരിച്ച് ആസ്വദിക്കാൻ അവൾ എന്നും ആഗ്രഹിക്കാറുമുണ്ട്. ഭാര്യയുടേയും ഭ്ർത്താവിന്റേയും കശപിശ മൈന്റാക്കാറില്ലെങ്കിലും ഈ കുഞ്ഞിന്റെ പോക്കുവരവുകൾ സാകൂതം കാതോർക്കാറുണ്ട്. ഇന്നല്പം മുമ്പ് വല്ലാത്തൊരു സൗണ്ടിൽ ഭർത്താവദ്ദേഹം തമിഴിൽ എന്തൊക്കെയോ പറയുന്നതു കേട്ടു. ഞാൻ വാതിലു തുറന്നു നോക്കിയപ്പോൾ ജനൽപ്പാളി തുറന്ന് ഭർത്താവദ്ദേഹം എന്തൊക്കെയോ പറയുന്നതുകണ്ടു. അതു ചെയ്യരുത്, അങ്ങനെ ചെയ്യൂ എന്നൊക്കെ പോലെ തോന്നി. എന്റെ മനസ്സിലുണർന്നു വന്ന ചിന്ത ആ കുഞ്ഞ് റൂമിനകത്തു കയറി കുറ്റിയിട്ടിരിക്കണം; തുറക്കാനറിയാതെ വിഷമിക്കുകയാവും പിതാവെന്ന്, ഞാനോടിച്ചെന്നു. കണ്ട കാഴ്ച വൃത്തികെട്ടതായിരുന്നു. ഭാര്യ കട്ടിലിൽ കയറി നിന്ന്, ഫാനിൽ കുരുക്കിട്ട്, മ്രുഭാഗം കഴുത്തിൽ കുരുക്കി തൂങ്ങിച്ചാവാനൊരുങ്ങുന്നു!! ഓർമ്മകൾ നേരെ പോയത് ബ്ലൂ വെയിൽ ഗയിമിലേക്കായിരുന്നു. അവർ തമ്മിൽ എന്തൊക്കെയോ സംസാരിക്കുന്നു; അവൾ കരയുന്നു, താഴേക്ക് ചാടാൻ പാകത്തിനു റെഡിയായി നിൽക്കുന്നു... ആളുകൾ ഓടിക്കൂടി... സംസാരം മുറുകി. ഞങ്ങൾ വീടിന്റെ ഉടമസ്ഥനെ വിളിച്ചു... സംഗതി കേമമായി നടന്നു... അവൾ തൂങ്ങിച്ചാവാതെ വാതിൽ തുറന്നു. എന്തോ കറിയുടെ പ്രശ്നത്തിൽ തുടങ്ങിയ സംസാരമായിരുന്നത്രേ തൂക്കുകയറിലേക്ക് എത്തിച്ചത്!! വീട്ടുടുമസ്ഥൻ അവരോട് നാളെ തന്നെ വീടു കാലിയാക്കാൻ പറഞ്ഞിട്ടുണ്ട്. ഭാര്യാശ്രീയുടെ അമ്മയും തൂങ്ങി മരിച്ചതാണത്രേ! കുടുംബത്തിൽ ഒരാൾ മരിച്ചാൽ ഏക സൊലൂഷൻ എന്ന ചിന്തയിൽ ശേഷക്കാർ എത്തിച്ചേരുന്നു എന്നത് സത്യമാണ്. ബ്ല്രൂ വെയിൽ ഗൈം ആടിത്തിമർക്കുമ്പോൾ ആണിതു നടക്കുന്നത് എന്നതും ചിന്തിക്കേണ്ടതാണ്. കാരണം, അവൾ ഒരു മൊബൈൽ ജീവിയാണ്. ഭാര്യാഭർത്തൃബന്ധം നല്ലൊരു സുഹൃദ്‌ബന്ധം പോലെ മനോഹരമാവേണ്ടതാണ്. പക്ഷേ, ഇവർക്കിടയിൽ അപസ്വരങ്ങൾ മാത്രമേ കേൾക്കാനുള്ളൂ. ജീവനെന്താണ് ജീവിതമെന്താണ് എന്നൊന്നും തിരിച്ചറിവില്ലാത്ത ഒരു തലമുറ ഉണ്ടെന്നുള്ളതിന് തെളിവുകൾ പലതാണ്; നല്ലൊരു കൗൺസിലിങിലൂടെ ഒരു തിരിച്ചറിയൽ ബോധം ഉണ്ടാവേണ്ടതുണ്ട്. വിദ്യാഭ്യാസത്തിന്റെ കുറവാണധികവും! റാങ്ക് ഹോൾഡറൊക്കെയാണെങ്കിലും ടെക്നിക്കൽ കഴിവിൽ അവരെ ജയിക്കാനായെന്നു വരില്ലായിരിക്കും, പക്ഷേ, സഹജബോധം തൊട്ടുതീണ്ടാതെയുള്ള ഇവരുടെയൊക്കെ ജീവിതം കണ്ടുകൊണ്ട് ചിലരൊക്കെയുണ്ട് എന്നൊരു ബോധം വേണ്ടതായിരുന്നു....

Thursday, August 10, 2017

August 10, 2017 at 05:29PM

പച്ച പുൽകിയ പുണ്യസൈകതം, പശ്ചിമാബ്ധി സമ്മേളിതം മന്ദമാരുത നൃത്തകുഞ്ചകം, നന്ദനോദ്യാന പോതകം കേരളം വിളങ്ങുന്നു കോമളം, കേരവൃക്ഷക സങ്കുലം...

Friday, August 04, 2017

August 04, 2017 at 06:42PM

ചാവുന്നവരുടെ ശ്രദ്ധയ്ക്ക്! ആധാർ ഉണ്ടെങ്കിൽ മാത്രം ഇനി ചത്താൽ മതി! വെറുതേ ചാവാൻ ഗവ. വിടില്ല!! കോണത്തിലെ ഭരണം!!

August 04, 2017 at 09:20AM

**bold**

Tuesday, August 01, 2017

August 01, 2017 at 01:09PM

നീയുറങ്ങിക്കൊള്‍ക, ഞാനുണര്‍ന്നിരുന്നീടാം തീവ്രമീ പ്രണയത്തിന്‍ മധുരം സൂക്ഷിച്ചീടാം, ഗാഢനിദ്രയില്‍ നിന്നു നിൻ കണ്‍തുറക്കുമ്പോള്‍ ലോലചുംബനങ്ങളാല്‍ നിന്നെ ഞാന്‍ പൊതിഞ്ഞിടാം!

August 01, 2017 at 05:25AM

ഞാനിവിടെ എനിക്ക് തോന്ന്യത് എഴുതും... ചൊറിയാൻ വരുന്നവരോട് ഒന്നേ ഉള്ളൂ പറയാൻ "കടക്ക് പുറത്ത്!!"

ചില തെരഞ്ഞെടുത്ത ലേഖനങ്ങൾ

ആസുരതാളങ്ങൾക്കൊരാമുഖം - ചായില്യം.കോം
The text content of this site are available under the Creative Commons Attribution-ShareAlike License